Dakar

Teneba 21 años cuan s´estimo de dixar-lo tot. Eba cabilau bels diners y eba dezidiu de marchar-ie ta que podésenos minchar toz os diyas cosa que no estase arroz, ta poder ir t´a escuela. Ta no bibir en una cabana. Ta poder bibir. Se´n fue de Dakar un 8 d´agosto y no tornemos a saber d´él. Tenébanos un primo bibindo en Almería, pero tampoco no s´eba meso en contacto con él.
Yo plegué en Europa fa dos meses. Iste maitín he conoixiu a un mesache de Dakar. I biachaba con o mío chermano. Morió. Agora remane en o fundo d´a mar; d´ixa mar que desepara la bida d´a muerte.


Relato presentau por o blog Loiras y Sarrios t'a trobada de fabloggers.

ONSOS Y PERIGLO T ´AS PERSONAS (2º parti)

Aquí contina la traduczión d´o manifiesto publicau por FAPAS t´aclarir bels puntos sobre o caso Hvala. He feito bellas modificazions á o manifiesto orichinal.

Paradoxas. ¿Cual ye o periglo reyal en o mon?
Dimpues d´o “suzeso” (si se puet clamar asinas), o gobierno d´a Bal d´Arán diz que “ye priyoritaria la seguridat d´as personas en a montaña”. Analizemos iste punto.
Seguntes Mutuasport, a mutua d´os cazataires, l´atro año bi abio 21 muertos por disparos de caza y 863 ferius, d´os cuals 13 quedon imbalius ta cutio por amputazions u mals oculars. En 2005 s´alcanzón cuasi os 2000 ferius por azidens de caza, con 29 imbalius ta cutio; en 2002 morion 23 personas y en 2004, 18. En 5 años bia abio 5263 ferius con cuasi 200 imbalius ta cutio y dezenas de muertos por disparo. A meya anual, seguntes a mutua, ye la siguién: 2585 azidens de caza, con más de 24 muertos por disparo, 2448 ferius con 91 imbalius.

Y remeremos que cualsiquier puet sacar a lizenzia d´armas, pues ye un mero tramite fraudulenco. Ye francamen normal que un cazataire mate a o suyo chirman (beiga-se lo rei), pai, fillo, cuñau, choben, sogro u millor amigo. Pero ye imperdonable qu´un ombre que paseya tranquilamen con a suya muller por o cambo siga asasinau por un cazataire que no aseguro lo tiro. Isto suzede a soben; fa un año suzedio ixo en Lugo. Pero sin ir-nos-ne tan luen, a semana d´antis d´a trobada entre l´onsa y o cazataire, tamien en Lugo un ombre que treballaba en o suyo millocar estio disparau por un cazataire que l´estricallo la garra creyendo que yera un chabali. O mesmo diya, en Albazete, un atro cazataire mató a o suyo millor amigo en ascuitar uns rudios y pensar-se que yera un chabali. Y ye que una bala ye letal a más d´1 km. de distanzia y un perdigón te puet dixar sin un güello a más de 100 metros.

Pero isto no les alticama guaire porque han manifestau que “bi ha mas probabilidaz de morir en acziden de tráfico”. O bizepresiden d´a Ofizina Nazional de Caza, antimás, diz que “o numero d´aczidens de caza no ye tan alarman”. A la fin, istos aczidens de caza no tienen repercusion penal porque solo son “aczidens”. Parix contrimostrau que l´animal más perigloso t´o cazataire (y ta l´excursionista) no ye l´onso, ni o lupo, ni o chabali, sino que´n ye un atro cazataire.

D´atra man, dezaga d´iste suzeso de l´onsa, han armau un granizo rebolizio, y denunzian que l´onso “mete en periglo la seguridat d´as personas y ye cosa que no se puet permitir”, que “s´asozia a l´onso con inseguridat y periglo”, que “ye una menaza reyal” y que “cuasi mata a una persona”. Mientres, periodistas sin escrupols preban de compensar a suya falta de profesionalidat con titulars absurdos como “Brutal enrestida d´una onsa a un cazataire”.

En todas as trobadas entre l´ombre y l´onso conoxius en a istoria d´España, cuan ha habiu-ie un muerto, SIEMPRE ye estau l´onso. O programa de reintroduczion enzetó de nuebo en 2006, dimpues d´a muerte en 2004 de l´onsa Canelle por o disparo d´un cazataire. Estió absuelto (yera o pai de l´alcalde d´o lugar). Pero años ta zaga tamien bi eba muerto asasinada l´onsa Melba en atro resaque. Y posiblemen más onsos, güe disaparexius, bi aigan muerto por disparos dende allora y talmen nunca no lo sabamos. Zaga la reintroduczion de 2006, l´onsa Franska estió encorrida ilegalmen por bels ganaderos franzeses; acosada, plegó en una carretera an morió atropellada; alabez se descubrió que tamién eba estau tirotiada diyas antis. Ya solo quedan que tres exemplars d´aquella zaguera reintriduczion y un d´els, Balou, ye feriu por un disparo en una pata durante un reseque a o chabali o zaguer 7 de setiembre. Hvala ye una d´as zaguers asperanzas.

Desgraziadamen, os mons pirinencos parix que solo son d´os que salen a matar. Asistimos a o temible deambular d´ombres legalmen armaus por ixos mons. Istos sí que son un periglo t´as personas, ta os nuestros ninos, t´a conserbazion d´os nuestros onsos y d´atras espezies que la mayoria de ziudadans queremos preserbar.

Coinzidenzias.

O cazataire d´a discordia ye de Les, monezipio en o que fa dos años y meyo demostron estar radicalmen en contra d´a reintroduczion d´onsos; incluso boicoteon o diya d´a liberazion. L´alcalde de Les protestaba fuertemen en 2006 contra o Programa Life, o Gobierno franzes, estatal y catalán a causa d´a reintroduczión.



¿ye berdat que los onsos son un periglo t´o ganau?

En o Pireneu se tienen grans obelladas y se treballa con una parti d´as güellas mientres l´atra corretea libremen por o mon y els cobran as subbenzions. En cuentas d´estar atendiendo-las y bechilando-las con mostins como se i feba fa no guaire y como se fa en Europa de l´Este combibindo con onsos y lupos.

Os onsos amenistan carne en o suyo espectro alimentario, pero pueden suplir dita nezesidat con carroñas. Ta ebitar cualsiquier posibilidat d´enrestida á o ganau se debe treballar con l´obellada. Han de tener-se mostins y bosquils, y isto ye subbenzionau dentro d´as aduyas agroambientals asoziadas a l´onso.

Menazas de delito de caza

Daniel Boya, en representazion de colectibos de cazataires y ganaderos menazó con que batirian o mon por cuenta suya, ilegalmen y sin permiso de dengun, en busca de l´onsa ta matar-la, aprofitando la conyuntura y l´arrimo de bel sector politico y con total arrimo d´o Síndico, Francésc Boya. Finalmen, s´ha montau un absurdo y esproporzionau dispositibo de busqueda que incluye 30 guardas, beiclos y un elicoptero. Ta capturar-la biba pero sin saber qué fer dimpués y cuan, antimás, ha d´ibernar luego.

¿Qué intreses pueden tener os cazataires?

Muit senzillo: os cazataires quieren que se les permita cazar sin restriczions por toz os costaus, y por ixo no quieren que bi´n aiga d´onsos; y antimás, parix que son encantaus de poder matar-los.

Pero, esgraziadamen, os cazataires tienen un poder economico y politico fortismo en muitos puestos, como Franzia u en a Bal d´Arán an prezisamen; muitos politicos son cazataires, incluso fraudulencos. Y agora aprofitan os ganaderos ta fer presión tamién. Asaja, por ixample, s´atribe a dizir que “a presenzia d´onsos ba a espantar o torismo por medrana y constituye un obstaclo ta o desarrollo economico”; qué sorprenden que baigan a tener más medrana a os onsos que no a las balas d´os cazataires. Xublidan que o turismo respetuoso con a Naturaleza y a cultura tradizional d´o lugar gosa d´ir-ie porque en els bibe l´onso, asoziau a una naturaleza chenerosa. Pero pretenden aprofitar-se de l´esxonoiximen d´a chen.

NO QUEREMOS TORNAR A MONTAÑA EN UN PARQUE TEMATICO ABSURSO SINO QUE QUEREMOS MONTAÑAS BIBAS, CON TODA LA SUYA FAUNA, Y L´ONSO YE L´ESPEZIE EMBLEMATICA D´AS MONTAÑAS. NO AUILTILEN O PIRENEU.

Ye triste que un chicot colectibo de cazataires tienga mas fuerza que no dengun porque manulle la influenzia politica d´un lugar.

FAPAS (Fondo para la Protección de los Animales Salvajes)


Aquí tos dixo bels links d´intrés:
http://www.paysdelours.com/
http://fapas.es/

ONSOS Y PERIGLO T ´AS PERSONAS (1º parti)

Iste articlo ye publicau por o FAPAS y a suya finalidat ye aclarir o suzediu dimpues d´a trobada entre l´onsa Hvala y o cazataire.

¿Puet un onso resultar perigloso?
Ye normal arrugar-se o melico con tot fueras con o reyalmen perigloso. Si bien en atros puestos d´o mundo esisten onsos que gosan d´enrestir a presas grans, en o caso d´os onsos europeos nos trobamos con plantigrados sumamen pazificos y que gosan pasar disaperzibius cuan fan una bida salbache; de feito, a os onsos eslobens (que ye la subespezie que se ye emplegando ta la reintroduzion de l´onso en os Pirineus) no se les beye. Os onsos nos ebitan y se mueben igual como pantasmas. Podremos beyer os suyos mazelos, bellas d´as suyas siñals, pero emos de tener muitisma suerte ta poder beyer un onso salbache, pues son muit precabius y se miran de ebitar o contacto dreito con os umans; istos, os umans, sí que en son de periglosos. Solo en o caso hipotetico de que se faiga la tana a un onset, mai onsa podria reyalizar una enrestida y nunca no “zebando-se” si no, muit contrariamen, una enrestida intimidatoria con l´unica fin d´alexar os posibles periglos ta la cría; as onsas son mais amantismas d´os suyos chiquez, pero no tos ne faigaz os cagazas, que no ferá o morro cló!!

¿Qué suzedió, allora?
O chuebes, de meyodiyas, bi eba una cuadrilla de 5 cazataires en resaque a o chabalí en a montaña de Portet, en a redolada d´a bal d´Arán, en o Pireneu catalán. Os cazataires yeran abisaus de que por ixa zona se mobeban una onsa y as suyas dos crietas ya practicamen independizaus de l´atro año (clamaus Polem y Bambou) por o cual deberían aber ebitau dita redolada, no por o periglo que ta els podría representar l´onsa, ¡qué ba!, sino por o periglo que podesen representar els ta l´onsa, t´o proyecto de reintroduczion de l´onso en o Pireneu y a conserbazión d´a fauna silbestre.

¿Qué suzede en un resaque?
Estrapaluzio de cans y bozerio umán, o que ba emparetando a l´onsa dende toz os puestos, igual como a cualsiquier atra “pieza” de caza. Y bi ha un riesgo granizo ta l´onsa y os suyos fillez porque os cazataires pueden:

1º) Confundir fazilmen a l´onso con o chabalí, como pasa muitas begadas.
2º) Fer como que s´han trafucau, como pasa muitas begadas.
3º) Disparar “a bocajarro”, sin mirar-se a qué, como lo demuestra lo feito de que son capables de matar a su propio pai, fillo u amigo en mober-se dezaga d´un abrizolal. Como pasa muitismas bezes.

L´onsa, que se rebello tranquila, minchando por o mon como cualsiquier diya, en un inte en o qu´amenistaba prezisamen muita tranquilidat ta ir-se-ne á l´onsera á ibernar bien minchada, se troba de botiboleyo con l´estrapaluzio d´ombres y cans estricallando-le lo maitin.

S´amaga como buenamen puet. Os cans a ban acosando china chaneta. En un inte dau, un d´os cazataires plega con un can, escopeta en a man, dica o puesto an ye l´onsa, y dica o punto d´obligar-la a un “cara a cara” con l´ombre, a o que, a buen seguro, ya temeba. Brenca d´o que asti suzedio puet estar agora contrimostrau feazientemen. O que diz o cazataire, chubilau de 72 años, ye que o can fuyo y que él pretó a chilar y a chesticular ta espantar-la y ella l´enristió.

Ziertamen, as feridas que presenta son muit leus. Ye posible que, como diz el, l´onsa remanise queda dica que él dezidio chilar, alabez podio amedrantar-se y reyalizar una enrestida intimidatoria, tras o cual, l´ombre cayó. D´aqui entaban esiste confusion pues unas fuens dizen que se le disparo a escopeta y atras que disparó dos tiros a l´aire t´amedrantar a l´onsa.

Una onsa acosada por cans y chilos, amedrantada, emparetada, preñada y con fillez que no sabemos guaire bien que grau d´independenzia tienen. ¿Qué puet fer cuan ya tien a o cazataire denzima? Isto suzede arredol de 20 bezes a l´año con chabalis pero no trasziende encara que á soben as feridas son de considerazion.

Y ye que s´ha quiesto amedrantar a la poblazion aprofitando a conyuntura ta asinas dar un trucazo fortal a o programa de reintroduczion de l´onso en o Pirineu. Y ta ixo s´han emplegau muitismas arguzias. S´ha dito que “cal dar grazias a que o cazataire yera armau porque si ese estau un pastor u bel buscador de fungos, posiblemen estarbanos penando atra cosa”. Istas afirmazions insustanzials son tan apresuradas como atrebidas. De no aber-se dau as zircunstanzias que se dion aquer maitin desafortunau, nunca no s´ese produziu la trobada y l´onsa tampoco abria estau estresada por l´acoso.

Paradoxicamen, os cazataires ban en resaque e imbaden o territorio bital y de pleno dreito d´atras espezies, dispuestos a matar, pero no almiten rispuestas de esfensa bital d´a fauna ostigada que reaziona desesperadamen.

O prozeso de rebersion por Chánobas s´iniziara o 10 d´abiento

O prozeso de rebersion d´as tierras expropiadas por l´entibo de Chanobas, una begada que se descarto reyalizar ista obra idraulica en o río Ara por a suya declarazion d´impacto ambiental negatiba, s´iniziara o benien 10 d´abiento, cuan s´enzetara a nimbiar as cartas a cadaguna d´as personas que estion expropiadas u a qui puedan estar os suyos fereus.

A expropazion se publico en una orden ministerial de 28 d´abiento de 1961 y en ixe inte bi eba 151 propietarios afectaus y 1290 fincas, que sumaban unas 500 hectareas de labor y 42.800 metros cuadraus de terrenos urbans. Os nucleos afectaus estión os de Chanobas, Labelilla, Lacort, Albella, Ligüerre d´Ara, Xabierre d´Ara, Santolaria y Burgasé.

Estudean si un onso abistau en o Roncal ye 'Camille' u bel exemplar d´o Pireneu uescano

Un guarda forestal se topó con l´animal en o monezipio nabarro de Garde y agora analizan os restos de pelo y fezes ta identificar-lo mediante l´ADN.

O Gubierno de Nabarra ha obteniu material gráfico y téunico sobre a presenzia d´un onso en a bal nabarra de Roncal por primer begada en diez años, dimpués de que una colla de guardas beyese, a nomas de güeito metros de distanzia, un exemplar en a zona de Garde.

Manimenos, estarán os estudios d´ADN os que determinarán si se trata de Camille, d´o que no se teneban notizias direutas encara que s´eba deteutau una dezena larga d´enrestidas a ganau, u si puede estar un exemplar prozedén d´os que se introduzion en Uesca (os clamaus Aspe y Nere son os más probables), encara que por l´inte lo han baltizau como Ponciano.

O primer abistamiento estió a zaguer semana cuan un guarda forestal trobó en un pinar de Garde o puesto an podría dormir l´onso con restos de pelo y fezes. A l´atro´l diya i regresó acompañau de guardas d´o Servicio de Meyo Ambien, qui confirmoron a presenzia d´un onso pardo en o lugar. Pero cuan i reculliban muestras ta reyalizar as pruebas d´ADN, a 15 metros les aparixió un onso que, con paso lento y despreocupau, s´amanó enta ellos.
Se da la zircunstancia de que mientres iste onso se muebe por o término de Garde, en os paraches de Larra y Ukerdi s´han trobau atros rastros que no han puesto estar identificaus, y que apuntan a la posibilidat d´un segundo exemplar.

ONSO SÍ, ONSO NO

O programa de raso en aragones de Radio Topo, Fendo Orella, que s´emite os biernes de 19 a 20 oras, torna con o debate inrematable: os onsos en o Pirineu, baxo lo titol onso si, onso no, a sezion d´animals d´Aragón de dito programa, que se fa en a sezion d´ecoloxía d´o mesmo, quiere prebar d´analizar as posibilidaz d´os onsos en un frachil ecosistema como ye a cordillera pirinenca.
Si querez dar a buestra opinion podez fer-lo nimbiando un e-mail a fendo.orella@gmail.com, u a trabies d´o suyo blog http://www.fendoorella.wordpress.com/.

A bier si muita chen nimbia a suya opinion y pueden fer un programa intresan sobre un problema que ye fendo tremolar a tot l´ecosistema pirinenco.

En a foto, Palouma, a primera onsa que o gobierno franzes trayó d´Eslobenia ta repoblar de plantigrados os Pirineus y que trobon muerta o 22 d´agosto d´o 2006.

A notizia la podez trobar en: http://fendoorella.wordpress.com/2008/03/09/onso-si-onso-no-o-debate-que-nunca-no-remata-agora-tamien-en-fendo-orella/

O numero de fembras d´onso pardo s´ha duplicau en a cordillera cantábrica en una década

O número de fembras d´onso pardo s´ha duplicau en os zaguers diez años en toda la Cordillera Cantábrica, encara que en mayor mida en a zona ozidental que en a oriental. En o caso d´ista zaguer, que abraca Cantabria y Palencia, en os dos zaguers años s´han trobau tres onsas esferens con oseznos, lo que implica que s´ha consolidau la reproduzión, segúntes o presiden d´a Fundación Oso Pardo, Guillermo Palomero.

Asínas, en 2006 se detectoron dos onsas con dos críetas en os mons de Vega de Liébana, Pesaguero y Chirmandat de Campoo de Suso, y en 2007 una onsa con o suyo osezno en os mons de Pesaguero y Polaciones. En l´autualidat, ista poblazión oriental cuenta con un zenso aproximau de 30 onsos.

Por a suya parti, a población ozidental, que se troba entre l´oziden d´Asturias y en l´Alto Sil leonés, acaza alto u baxo 100 exemplars y se mantiene una tendenzia crecien en os zaguers años.

Antimás, en o bienio 2006-2007 s´han trobau 440 indicios "inequívocos" de presencia de onsos en Cantabria, zifra que triplica la obtenida a l´escomenzipied´a decada, con 132 en o 2000-2001.

Istos datos meten de manifiesto, segúntes o presiden d´a Fundazión Onso Pardo, que s´ha aturau o prozeso de regresión en toda la cordillera y cada begada ye más frecuen a presenzia d´iste animal en a zona oriental, an se troba más menazau.

Ista buena ebolución ye debida, seguntes dizio, a l´amilloramiento d´o suyo afincamiento y l´apoyo sozial enta os onsos, que son "mui bien toleraus" por os bezins d´as redoladas por as que transitan.

Aparix una ballena en enantau estau de descomposizión en Platja d'Aro (Cherona)

A brigada d´o conzello de Platja d'Aro ha trobau güé una ballena en enantau estau de descomposizión frente a la costa d´a Cala de Belladona, han informau fuens monezipals.
Achens d´a Polizia Local y d´o Seprona d´a Guardia Zebil s´han desplazau güe de maitins dica o puesto ta prebar de remolcar dica o puerto o cuerpo d´a ballena, que mide entre seis y siete metros de largo y se troba en enantau estau de descomposizion, por o que podría fer bels diyas u semanas de l´inte d´a suya muerte.
O consistorio de Platja d´Aro s´ha meso en contauto con o Zentro de Recuperazión d´Animals Marinos de Cataluña (CRAM) ta que os albeitars prenan una muestra d´os restos d´o zetazeo ta fer-le una necropsia que pueda determinar o suyo lugar d´orichen y a causa d´a muerte.

No ye l´unico caso d´ista mena iste mes, o diya 6 un atro zetazeo morió en as costas de Marbella tras colisionar con unas rocas. Os albeitars, aduyaus por bels boluntarios y por un remolcador que prebaba d´ebitar a muerte por asfixia d´o zetazeo, d´a espezie balaenoptera physalus (rorcual común), no podion fer cosa por a suya bida.

A foto ye d´a ballena que morió en a costa andaluza, cuan bels boluntarios prebaban de salbar-la.

Chile adoptará lais ta protexer a las ballenas de traza indefinida

O Gubierno de Chile anunzió lo chuebes que adoptará una lai de "protezión indefinida" d´as ballenas y o suyo entorno en as auguas chilenas, seguntes informó a ministra de Meyo Ambien d´ixe pais, Ana Lya Uriarte.
"Imos a dictar una lai que enante en a protezión indefinida d´os zetázeos en Chile", dizio tras reunir-se con Gustavo Vergara, boluntario chileno que remanió tres meses a bordo d´un barco de Greenpeace encorrindo a la flota ballenera xaponesa desplegada en auguas d´a Antártida.
"Él representa o clamor que tot lo mundo ye fendo ta ebitar a captura d´istos zetázeos por parti de Xapón", aseguró Uriarte.
Adibió que o Gubierno ye "treballando en esferens alternatibas que amparen encara más ista prohibición legal de captura de zetázeos de traza de buscar atras formulas de protezión, no sólo que d´as ballenas, sino tamién d´os puestos an ellas se troban; an acubillan y an minchan".
Antimas, a ministra esplanicó que a norma chilena bichen de protezión a las ballenas nomas se extiende que dica l´año 2025.
Chile acullira en chunio d´iste año a sisantena trobada d´a Comisión Ballenera Internazional (CBI).

A rana pirinenca

Nombre en latin: Rana pyrenaica

Nombre en castellán: Rana pirenaica

Nombre en aragonés: Rana (granota, rama, grina) pirinenca

Una mica d´istoria: estió en 1990 cuan Jordi Serra, dotor en bioloxia d´o Instituto Pirinenco d´Ecoloxia, pertenezien a o CSIC, descubrió iste anuro, que estió descrito tres años mas tardi

Carauteristicas: Ye a rana parda mas chicota, y ye endemica d´un seutor chicot d´os Pireneus (dende o Roncal dica Ordesa), an ocupa galoxas entre 1100 y 1700 m. Cal dizir que a rana bermella tamien se troba en altarias similars u encara mas alteras.

L´aspeuto grazil, o timpano chicot y as narinas deseparadas, mas que a distanzia entre os güellos, son rasgos clau d´identificazion.

Grandaria: dica 5 zm.

Crias: dica 150 güegos baxo peñas, a puesta ye a finals de febrero.

Estatus: Bulnerable, localmen comun.

Espezies parellanas: rana bermella, rana axil.

Curiosidaz: gosa bibir en galoxas pedregosas de montaña, d´auguas limpias y bien oxichenadas. De traza ocasional se´n han trobau de ranas pirenaicas en balsetas con una renobazion d´augua constante.

A cheneta u tremostela

Nombre en latin: genetta genetta

Nombre en castellan: gineta, jineta

Nombre en aragonés: cheneta, tremostela

Una mica d´istoria: Iste peculiar y cuasi desconoxiu animal, se troba disperso por toda la cheografia aragonesa. I plegó con os arabes, que lo gosaban emplegar como mascota, istos eslampón d´as casas d´os suyos dueños y escomenzipión a criar en libertar, y asinas... dica güé!

Carauteristicas: o rasgo mas estintibo d´iste carniboro mediano, felino, y de garras prou curtas, ye a suya coda, mui larga y con aniellos blangos y negros. A suya parti superior son escoloridas (de color arena) y moteadas de negro. As suyas orellas son grans. Pencha con muita axilidat y gosa fer as suyas autibidaz de nueis. De diyas, escansa en zarzals y foraus d´abres, y ta criar emplega foraus rocosos u d´abres.

• Grandaria: cuerpo 40-60 zm; coda 40-50 zm.


• Crias: 1-2 cachurriadas de 2-4.


• Dieta: roedors, coniellos, abes, reptils, anfibios, insectos y frutos.


• Espezies similars: gato montesino.


• Mazelos de 3 zm de largo


• Fezes de 2.5 zm de largo

Curiosidaz: le cuaca mas que mas o mon baxo con roquedos y os terrenos arbolaus ubiertos, acampos semidixadas; tamien ocupa as oriellas d´os rios y as galoxas.

NI BOLONIA, NI LOU

CONTRA LOS ATAQUES DE BOLONIA, LA LOU Y EL REAL DECRETO ¡DEFENDAMOS LA EDUCACIÓN PÚBLICA!

El pasado viernes 26 de Octubre el consejo de ministros aprobó un Real Decreto que acaba con el modelo universitario de Diplomaturas y Licenciaturas tal y como las conocemos.

El nuevo esquema que establece el Gobierno, según dicen, para responder a las necesidades de la sociedad y economía del conocimiento se compone básicamente de Grado y Máster. Pero, ¿qué supone esto en la práctica? El Grado:

1. Según define el RD en su Art.9: 'El grado tiene como finalidad la obtención por parte del estudiante de una formación general orientada al ejercicio de actividades profesionales'. Es decir, lo que hasta la fecha conocíamos como FP.
2. Para alcanzar este objetivo el grado se reduce a 4 años, 240 créditos . ¿Cómo se distribuyen éstos?: 60 serán de formación básica, 60 directamente en práctica en empresa (por supuesto no pagadas) y entre 6 y 30 para el trabajo de fin de grado (¿no se parece eso a una práctica en empresas?), restarían tan sólo ¡ 90 créditos (año y medio) de formación relacionada con la titulación en concreto!

3. Las atribuciones profesionales que actualmente se garantizan con las Licenciaturas y Diplomaturas desaparecen, arquitectos que no pueden firmar proyectos, filólogos sin idioma, licenciados en derecho ¿penal, civil, administrativo?, ¡NINGUNO! Obviamente la posibilidad de acceder al mercado laboral ¡SE REDUCE! Ya que tu título no servirá de nada, serás un mero graduado en generalidades en tanto no te 'especialices' con el posgrado.

4. El grado por tanto consiste en una 'formación general', básica y poco especializada
dirigida a la creación de una bolsa de trabajadores precarios y dóciles.

El Posgrado:

1. Si quieres obtener atribuciones tendrás que pagarte un Máster. Es decir, la educación de calidad –Postgrado- queda reservada para los pocos que puedan pagar precios entre 3 y 6 veces más de los actuales .

2. Y he aquí el gran problema: la Educación Superior y el conocimiento provocan gastos. Y la genial idea de nuestros políticos no es otra que promover la inversión privada en el conocimiento . Tendremos Máster en ingeniería mecánica (Toyota), en telecomunicaciones (Telefónica), en informática (IBM), en minería (Repsol),… Pero, ¿y el máster en lengua antigua?, ¿y en historia medieval?, ¿y en arte precolombino?... ¿Qué empresa financiará este 'conocimiento tan poco productivo'?
3. Es la ANECA, un organismo no universitario donde se encuentran representadas las empresas de forma directa, quien evalúa y determina los Planes de Estudio (el contenido) de las distintas titulaciones de Grados, Máster y Doctorado. Es la ANECA, un grupo de empresarios, quien decidirá qué debemos y qué no debemos estudiar (Art.25 del RD).

4. Al respecto de las altas tasas de matrícula del posgrado, no hay que preocuparse, ya vivimos la sustitución de las tradicionales y 'poco eficientes' becas por la beca-préstamo (que ya hoy nos ofrece el BSCH), y que, se devuelven a un futuro, para obligarte a aceptar las condiciones laborales sin chistar por miedo a perder tu casa… ¡pasaremos a salir hipotecados de la Universidad!

5. Finalmente para evitar que la Universidad siga siendo un 'gasto' para el Estado la Ley de Financiación de Universidades de la Junta de Andalucía resuelve: 'Universidades deben financiarse más por lo que hacen que por lo que son'. Es decir, ese nuevo modelo de financiación tendrá en cuenta la participación de profesores en programas internacionales, el bilingüismo de los alumnos, y sobre todo, cuanto tardan los licenciados en encontrar trabajo de su especialidad, y cuantos titulados crean empresas propias en los tres años siguientes a su graduación. Por lo tanto,
con este modelo no se financia la transmisión y producción de conocimiento , lo cual hace pensar que aquellas titulaciones relacionadas con las Humanidades que no cumplen con los requisitos para financiarse estén destinadas a desaparecer (filologías…).

Conclusiones

1. La universidad se convierte en una fábrica de precarios , el Eurocrédito (1 crédito ECTS = 30 horas) clarifica y abunda en esta función, nuestra matrícula de 60 créditos supondrá una media de 35 horas semanales de permanencia obligatoria (una jornada laboral no remunerada) en la universidad, de las cuales ¡sólo 10 horas serán lectivas!, el resto tendremos seminarios, biblioteca, trabajo en grupo, etc. Por otra parte, a aquellos estudiantes que necesiten trabajar les será imposible compaginar los estudios con el trabajo
. 2. Aquellos que cursáis estudios 'a la antigua' sufriréis la homologación con las nuevas titulaciones devaluadas. Vuestro título, en la calle, se convertirá en grado .

3. Este Real Decreto representa un paso más en la aplicación de la LOU. La misma LOU que aprobó Aznar y contra la que se movilizó toda la comunidad universitaria, con ZP en las cabeceras de las manifestaciones prometiendo su derogación si llegaba al gobierno. Sin embargo, Zapatero, una vez en el gobierno, faltando a sus promesas y con el acuerdo de la supuesta izquierda política y sindical, mantuvo y profundizó la LOU ajustándola aún más a la Declaración de Bolonia y al Espacio Europeo de Educación Superior (EEES).

FRENTE A TODO ESTO ES NECESARIO:

Promover una gran campaña de información y debata abierta a toda la comunidad universitaria (estudiantes, profesores y trabajadores). Exigir a nuestros representantes de las Delegaciones de Alumnos que nos informen, se posicionen y movilicen contra la LOU y los Reales Decretos que atentan contra la Educación Pública.
Denunciar al Gobierno ZP por avanzar hacia la privatización de la Educación . Y finalmente, ¡EXIGIR LA DEROGACIÓN DE ESTE DECRETO!