Nombre en latin: Rana pyrenaica
Nombre en castellán: Rana pirenaica
Nombre en aragonés: Rana (granota, rama, grina) pirinenca
Una mica d´istoria: estió en 1990 cuan Jordi Serra, dotor en bioloxia d´o Instituto Pirinenco d´Ecoloxia, pertenezien a o CSIC, descubrió iste anuro, que estió descrito tres años mas tardi
Carauteristicas: Ye a rana parda mas chicota, y ye endemica d´un seutor chicot d´os Pireneus (dende o Roncal dica Ordesa), an ocupa galoxas entre 1100 y 1700 m. Cal dizir que a rana bermella tamien se troba en altarias similars u encara mas alteras.
L´aspeuto grazil, o timpano chicot y as narinas deseparadas, mas que a distanzia entre os güellos, son rasgos clau d´identificazion.
Grandaria: dica 5 zm.
Crias: dica 150 güegos baxo peñas, a puesta ye a finals de febrero.
Estatus: Bulnerable, localmen comun.
Espezies parellanas: rana bermella, rana axil.
Curiosidaz: gosa bibir en galoxas pedregosas de montaña, d´auguas limpias y bien oxichenadas. De traza ocasional se´n han trobau de ranas pirenaicas en balsetas con una renobazion d´augua constante.
1 comentario:
ei, si puez fica una foto d'a rana... bella begada te'n trobas puyando por os mons, pero yo que no soi guaire bueno ta ista cosas no sé esferenziar as razas.
Por zierto, muito bueno tamién lo d'as xenetas, no sabeba que las eban introduzidas os arabes porque las feban serbir de mascotas, qué curioso.
Y d'as nuebas titulazions... ta qué charrar!
Cuento que dende fa tiempo a mayor parti d'o presupuesto unibersitaire se'n ba t'as carreras d'aplicazions, ixas que le "son menester" a la soziedat autual (dreito, inchienerías, medizina, economicas...) pero no t'as carreras an que miras d'inbestigar y de formar-te como persona sin importar o resultau a obtener no bi'n ha brenca.
Iste ye un paso más ta fer d'a unibersidat, no un puesto de conoxedura, sino un puesto de ferrallos t'a soziedat, do sale chen que treballará a lo serbizio d'os que la manullan.
Publicar un comentario