O programa de raso en aragones de Radio Topo, Fendo Orella, que s´emite os biernes de 19 a 20 oras, torna con o debate inrematable: os onsos en o Pirineu, baxo lo titol onso si, onso no, a sezion d´animals d´Aragón de dito programa, que se fa en a sezion d´ecoloxía d´o mesmo, quiere prebar d´analizar as posibilidaz d´os onsos en un frachil ecosistema como ye a cordillera pirinenca.
Si querez dar a buestra opinion podez fer-lo nimbiando un e-mail a fendo.orella@gmail.com, u a trabies d´o suyo blog http://www.fendoorella.wordpress.com/.
A bier si muita chen nimbia a suya opinion y pueden fer un programa intresan sobre un problema que ye fendo tremolar a tot l´ecosistema pirinenco.
Si querez dar a buestra opinion podez fer-lo nimbiando un e-mail a fendo.orella@gmail.com, u a trabies d´o suyo blog http://www.fendoorella.wordpress.com/.
A bier si muita chen nimbia a suya opinion y pueden fer un programa intresan sobre un problema que ye fendo tremolar a tot l´ecosistema pirinenco.
En a foto, Palouma, a primera onsa que o gobierno franzes trayó d´Eslobenia ta repoblar de plantigrados os Pirineus y que trobon muerta o 22 d´agosto d´o 2006.
A notizia la podez trobar en: http://fendoorella.wordpress.com/2008/03/09/onso-si-onso-no-o-debate-que-nunca-no-remata-agora-tamien-en-fendo-orella/
4 comentarios:
Yo soi a fabor, encara que sé que ye un tema prou polemico. Cal potenziar a biodibersidá. Pero, amás, tenemos buena cosa de zonas despoblatas y que seguntes os espertos pueden estar un buen abitat t'os onsos (ixe ye un d'os grans problemas). O gran enemigo d'as güellas ye, por un regular, o butre que no l'onso. Drento de bels años, sin lupos ni onsos..., ya sólo quedará que bel esquiruelo y chabalín y prou.
Yo soi prou pesimista con iste afer. Yo en soi a fabor, pero as cosas no se pueden fer asinas. No se puede introduzir un animal como un onso en os Pirineos u en cualsiquier puesto sin haber feito un estudeo sobre a suya problematica. Ye muit poliu ixo d'a dibersidat, pero tot amenista una chestazión y organizazión.
Os pastors no'n quieren saber garra, y puestar que tiengan una mica de razón porque si a suya bida pende d'as güellas y si el onso las ataca si no troba atra mena d'alimentar-se....(Tamién bi ha atros partors que s'en aprobeitan por as aduyas y mienten..)
De todas trazas isto no ye que a mia opinión. No'n sé guaire d'isto. Me fera onra de leyer atras opinións.
Uf, qué embordiecho. No i hai espazio pa biyer es pros, es contras, condizionans, campañas de sensibilizazión, indemnizazions e tantas altras cosas que cal charrar sobre es te tema que me fa galbana. Per una parte sí, per altra no... Millor dito, ni sí ni no, se no tot el contrario.
Felquera
Güe se publica un articlo de tres fuellas sobre o lupo en o periodico El País. Tos lo recomiendo que lo beigaz porque antes más ocupaban tota la Peninsula y en os 70 en quedaba 200 u 300 exemplars. Fizon un plan de recuperazión e integrazión en zonas que ya no'n i eba, que ye un exitaz y funziona prou bien. Se podría aplicar perfectamén a os onsos. Si i hai interés por parte d'as administrazions as cosas se pueden fer bien.
Publicar un comentario